На 6 октомври 2026 година, во просториите на централното училиште на ООУ „Кочо Рацин“ – Охрид, се одржа првата, конститутивна седница на Ученичкиот парламент за учебната 2026/2027 година.
На седницата учениците се запознаа со улогата, значењето и начинот на работа на Ученичкиот парламент, како и со можностите за активно учество во креирањето на училишниот живот. Конститутивните седници вообичаено се посветени на воспоставување на составот и избор на раководството на Парламентот.
По спроведеното гласање, за раководство на Ученичкиот парламент при ООУ „Кочо Рацин“ – Охрид за учебната 2026/2027 година беа избрани:
-
- Претседател: Стојанче Томановски, ученик во IX/1 одделение
-
- Заменик-претседател: Стефани Целеска, ученичка во VIII/2 одделение
-
- Секретар: Михаела Илиеска, ученичка во VIII/3 одделение
Со својот глас, идеите и иницијативите, членовите на Ученичкиот парламент имаат можност активно да учествуваат во подобрувањето на училишниот живот и да ги застапуваат интересите и потребите на своите соученици. Ученичкиот парламент е важен простор за развивање на демократските вредности, одговорноста, лидерството и ученичкиот активизам.
На новоизбраното раководство и на сите членови на Ученичкиот парламент им посакуваме успешна, одговорна и плодна работа, многу добри идеи и иницијативи и успешно претставување на гласот на учениците во текот на учебната 2026/2027 година!
Вашиот глас е важен. Вашите идеи создаваат промени!
Leave a Reply